यमुनामाइ गापाका अध्यक्ष सउदले क्रूरताको हद पार गर्दै , तलब नपाएर शिक्षक कर्मचारीको चुलो समेत बल्न नसक्ने अवस्थामा
१२ मङ्सिर । सोमबार । प्रदेश अनलाइन न्युज डेस्क
चुनावको बेला उम्मेदवारका कुराहरुमा जादु हुन्छन , ती जादु भएका कुराहरुले मतदाताको मन तथा मत जित्न सफल भएका हुन्छन तर निर्वाचित भैसके पछि आफ्नो वास्तविक रङ देखाउने काम ती नेताहरुले गर्ने गरेका छन । २०७९ साल बैशाख ३० भएको स्थानीय चुनावमा मतदाताहरु बिगत ५ वर्षमा भ्रष्टाचारमा लिप्त रहेका उम्मेदवारको विकल्प खोज्न सुरु गरेका थिए । बिगत ५ वर्ष देखि आफ्नो एजेन्डा स्वरुप काम गर्न नसके हुँदा मतदाताहरु असन्तुष्ट भएर आफ्नो मत र जनप्रतिनिधि परिवर्तन गर्न सफल भए तर चोक्टा खान गएकी बुढी झोलमा डुबेर मरि जस्तो हुन गयो । नयाँ सोच र युवा सोचको जालमा सजिलै फसेका मतदाताहरु अहिले टाउकोमा हाथ राखेर पछुतो गर्दैछन । रौतहट जिल्लामा १८ वटा स्थानीय तह मध्ये १४ वटा स्थानीय तहका जनप्रतिनिधिहरु परिवर्तन भए तर काम गर्ने ढंग र भ्रष्टाचारी गर्ने मान्सिकता लगभग परिवर्तन हुन सके...
